அனுபவத் தலைமையும் அவசியம்!

இந்திய அரசியல் சூழலில், இன்றைய இளைய தலைமுறையினர், தாங்கள் விரும்பும் முடிவுகளை விரைவாக அடைய வேண்டும் என்ற ஆர்வத்தில், பாரம் பரியமான அரசியல் குருநாதர்களையும், அனுபவமிக்க மூத்த தலைவர்களையும் புறக்கணிக்கும் போக்கு அதிகரித்து வரு கிறது. இது விரைவான வளர்ச்சிபோல் தோன்றினாலும், நாட்டின் எதிர்காலத் தைக் கேள்விக்குறியாக்கும் ஆபத்தான போக்காகவே அமையும்.

- பழ. அசோக்குமார்

அரசியல் என்பது அதிகாரம் பெறுவது மட்டுமல்ல; அது சமூகத்தையும், தேசத் தின் மதிப்பையும், கோடிக்கணக்கான மக் களின் வாழ்வாதாரத்தையும் தீர்மானிக் கும் ஆழமான ஒரு பொறுப்பு. இவ்வளவு பொறுப்பும் மாண்பும்மிக்க இந்த அரசி யல் களத்தில், வழிகாட்டிகளும் அனுப வமிக்கவர்களும் இல்லாதபோது அது ஆபத்துக்கு வழிவகுக்கும்.

அரசியல் என்பது பாடப் புத்தகங் களில் படிக்க முடியாத ஓர் அனுபவப் பாடம். ஒரு மூத்த தலைவர் தனது வாழ் வில் சந்தித்த சவால்கள், அவர் எடுத்த தவ றான முடிவுகள், அதிலிருந்து கற்ற பாடங் கள் ஆகியவையே ஓர் இளைஞனுக்குக் கிடைக்கும் முதல் பால பாடம். இந்த வழி காட்டுதல் இல்லாதபோது, இளம் தலை வர்கள் முக்கியமான மற்றும் சிக்கலான நேரங்களில் முடிவுகளை எடுக்கும்போது, அதே பழைய தவறுகளைத் திரும்பச் செய் வதற்கு அதிக வாய்ப்புள்ளது.

குருவின் வழிகாட்டுதல் இல்லாத போது, உடனடிப் புகழ் மற்றும் வெற்றிக் காக மட்டுமே அதிகக் கவனம் செலுத்தப் படும். இதனால், தேசத்தின் தொலைநோக் குமிக்க வளர்ச்சி மற்றும் நிலைத் தன்மைக் குத் தேவையான, கடின மான ஆனால் சரியான முடிவுகளை எடுக்க அவர்கள் தயங்கு வார்கள்.

அனுபவம் மிக்கவர்கள் ஒரு சிக்க லின் சமூக, பொருளாதார, வரலாற்றுப் பின்னணி போன்ற எல்லாப் பரிமாணங்க ளையும் உற்றுக் கவனிப்பார்கள். ஆனால், வழிகாட்டுதல் இல்லாத இளைஞர்கள், பிரச்னையின் மேலோட்டமான அம் சங்களை மட்டுமே அணுகி, விரைவான மற்றும் திருப்தியற்ற தீர்வுகளை மட்டுமே வழங்குவார்கள்.