மெட்ரோ ரயில் போக்குவரத்தில் விரைவில் அமெரிக்காவை இந்தியா விஞ்சும்

மெட்ரோ ரயில் போக்குவரத்து சேவைகளை வழங்குவதில் விரைவில் அமெரிக்காவை இந்தியா விஞ்சிவிடும் என்று மத்திய வீட்டு வசதி, நகர்ப்புற வளர்ச்சித் துறை அமைச்சர் மனோகர் லால் கட்டர் தெரிவித்தார்.

- 

கொச்சி, செப். 12:

கேரள மாநிலம், கொச்சியில் அந்த மாநில உள்ளாட்சித் துறை வெள்ளிக்கிழமை நடத்திய நகர்ப்புற உச்சிமாநாட்டில் பங்கேற்று அவர் பேசியதாவது:

தற்போது மெட்ரோ ரயில் சேவைகளை வழங்குவதில் சீனா மற்றும் அமெரிக்காவுக்கு அடுத்தபடியாக இந்தியா மூன்றாம் இடத்தில் உள்ளது.

நாடு முழுவதும் தற்போது 24 நகரங்களில் 1,065 கி.மீ. தொலைவுக்கு மெட்ரோ ரயில்கள் இயக்கப்படுகின்றன. 1,400 கி.மீ. நீள மெட்ரோ ரயில் சேவைகளைக் கொண்டுள்ள அமெரிக்காவை இந்தியா விரைவில் விஞ்சி, இரண்டாவது இடத்துக்கு முன்னேறும்.