சென்செக்ஸ் 1,000 புள்ளிகள் உயர்வு

இந்த வாரத்தின் நான்காவது வர்த்தக தினமான வியாழக்கிழமையும் பங்குச்சந்தையில் காளையின் எழுச்சி தொடர்ந்தது.

- நமது நிருபர்

நமது நிருபர் மும்பை / புது தில்லி, ஜூன் 26: இந்த வாரத்தின் நான்காவது வர்த்தக தினமான வியாழக்கிழமையும் பங்குச்சந்தையில் காளையின் எழுச்சி தொடர்ந்தது. இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் நல்ல லாபத்துடன் முடிந்தன.

மத்திய கிழக்கில் புவிசார் அரசியல் பதற்றம் தணிந்ததால், பங்குச்சந்தையில் உற்சாகம் ஏற்பட்டுள்ளது. மேலும், சந்தைகளில் நிலையான கச்சா எண்ணெய் விலை மற்றும் முக்கிய நாணயங்களுக்கு எதிராக அமெரிக்க டாலரின் பலவீனமான மதிப்புக்குப் பிறகு ரூபாயின் மதிப்பு வலுவடையும் போக்கு ஆகியவை உணர்வை வலுப்படுத்தியுள்ளது.