அகேவ் இனிப்புத் திரவம்...

கரும்பில் இருந்து பெறப்படும் சர்க்கரை, பனையில் இருந்து பெறப்படும் வெல்லம், தேனீக்கள் சேகரித்து கொடுக்கும் தேன் போன்றவை உணவுப் பொருள்களில் இனிப்பச் சுவைக்காகப் பயன்படுத்தப்படுகின்றன.

- -ப.வண்டார்குழலி, உணவியல் நிபுணர்.

அது போன்று அகேவ் எனப்படும் ஒரு வகை மரங்களிலிருந்து பிரித்தெடுக்கப்படும் இனிப்புத் திரவமும், உணவுப் பொருள் களில் இனிப்பாகப் பயன்படுத்தப்படுகிறது.

அகேவ் தயாரிப்பு முறை: தாவரக் குடும்பத்தைச் சேர்ந்த அகேவ் மரங்கள் குறுகிய வளர்ச்சியுள்ள பனை மரம், கற்றாழைச் செடி போன்ற அமைப்புடன் இருக்கின்றன. சிறு முள்களுடன் மடல் போன்றிருக்கும் இலைகளில் நீரை சேமித்து வைக்கும் இந்த மரங்கள் 2 முதல் 5 மீட்டர் நீளம் வளரும் தன்மையுள்ளவை. அகேவ் மரங்கள் 7 முதல் 12 ஆண்டுகள் நன்கு வளர்ந்து முதிர்ச்சியடைந்தவுடன் ஒவ்வொரு இதழாக, கீற்றாக அறுவடை செய்யப்பட்டு, பெரிய கலன்களில் வேக வைக்கப்படுகிறது. பிறகு, இயந்திரங்கள் மூலம் சாறு பிழிந்தெடுக்கப்பட்டு வடிகட்டப்படுகிறது. இந்தத் திரவத்திலுள்ள அதிகப்படியான நீர் ஆவியாக்கப்பட்டு, அடர்த்தியான அகேவ் இனிப்புத் திரவம் தயாரிக்கப்படுகிறது.