பலருக்கு ஒரே மாதிரி வாக்காளர் எண்: தேர்தல் ஆணையம் தீர்வு

ஒரே மாதிரி வாக்காளர் அடையாள எண் பல வாக்காளர்களுக்கு வழங்கப்பட்ட விவகாரம் பெரும் சர்ச்சையான நிலையில், இப் பிரச்னைக்குத் தீர்வு எட்டப்பட்டுள்ளதாக தேர்தல் ஆணையம் தரப்பில் செவ்வாய்க்கிழமை தெரிவிக்கப்பட்டது.

- 

புது தில்லி, மே 13:

மிகச் சிறிய எண்ணிக்கையில்தான் இந்தக் குளறுபடி நிகழ்ந்தது எனவும், அவர்களுக்குப் புதிய வாக்காளர் எண் வழங்கப்பட்டுவிட்டது என்றும் தேர்தல் ஆணைய வட்டாரங்கள் தெரிவித்தன.

அண்மையில் நடைபெற்ற மாநில சட்டப்பேரவைத் தேர்தல்களில், கடைசி நேரத்தில் புதிதாக ஆயிரக்கணக்கானோர் வாக்காளர் பட்டியலில் சேர்க்கப்பட்டதாக காங்கிரஸ் உள்ளிட்ட எதிர்க்கட்சிகள் புகார் தெரிவித்தன. இந்தப் புகார்களை தேர்தல் ஆணையம் மறுத்தது.