இந்தியா-பாகிஸ்தான் சண்டை நிறுத்தம்: முதல்வர் மு.க.ஸ்டாலின் வரவேற்பு

இந்தியா-பாகிஸ்தான் இடையே சண்டை நிறுத்தம் ஏற்பட்டிருப்பது வரவேற்கத்தக்க நடவடிக்கை என்று முதல்வர் மு.க.ஸ்டாலின் தெரிவித்துள்ளார்.

- 

சென்னை, மே 10:

இந்திய ராணுவத்துக்கு ஆதரவாக சென்னை காமராஜர் சாலையில் சனிக்கிழமை நடைபெற்ற பேரணியின் படங்களை எக்ஸ் தளத்தில் பதிவேற்றி முதல்வர் வெளியிட்ட பதிவு: இந்திய ராணுவத்துக்கு ஆதரவு தெரிவிக்கும் வகையில், தமிழ்நாடே ஒற்றுமையுடன் அணிவகுத்து நின்றது.

இந்தியா - பாகிஸ்தான் இடையே சண்டை நிறுத்தம் செய்யப்பட்டிருப்பது வரவேற்கத்தக்க நடவடிக்கையாகும். அமைதி நிலைத்திருக்கட்டும். நம்முடைய எல்லைகளைக் காத்து நிற்கும் படைவீரர்களின் தீரத்துக்கு மனபூர்வமான வீர வணக்கங்கள் என்று பதிவிட்டுள்ளார்.