'யுனெஸ்கோ' உலக நினைவுப் பதிவேட்டில் பகவத் கீதை, நாட்டிய சாஸ்திரம்

பிரதமர் மோடி பெருமிதம்

- 

புது தில்லி, ஏப். 18: 'யுனெஸ்கோ' உலக நினைவுப் பதிவேட்டில் பகவத் கீதை மற்றும் பரத முனிவரின் நாட்டிய சாஸ்திரம் ஆகியவற்றின் அரிய கையெழுத்துப் பிரதிகள் சேர்க்கப்பட்டுள்ளன. இது, ஒவ்வொரு இந்தியருக்கும் பெருமைக்குரிய தருணம் என்று பிரதமர் நரேந்திர மோடி பெருமிதம் தெரிவித்தார்.

உலக அளவில் கலாசார-பாரம்பரிய தொன்மைமிக்க ஆவணங்களைப் பாதுகாக்கும் நோக்கில், யுனெஸ்கோ உலக நினைவுப் பதிவேடு கடந்த 1993-ஆம் ஆண்டில் உருவாக்கப்பட்டது.

இப்பதிவேட்டில் கையால் எழுதப்பட்ட மிகப் பழமை வாய்ந்த நூல்கள், ஆவணங்கள் உள்ளிட்டவை இணைக்கப்படுகின்றன.

இந்நிலையில், இந்தியா உள்பட பல்வேறு நாடுகளில் இருந்து புதிதாக 74 பாரம்பரிய ஆவணத் தொகுப்புகள் இப்பதிவேட்டில் வியாழக்கிழமை சேர்க்கப்பட்டன.