தூத்துக்குடி கடற்கரையில் மிதக்கும் உணவகம் அமைக்கப்படும்: மேயர்

தூத்துக்குடி கடற்கரையில் மிதக்கும் உணவகம் தனியார் பங்களிப்புடன் அமைக்கப்படவுள்ளதாக மேயர் ஜெகன் பெரியசாமி தெரிவித்தார்.

- 

தூத்துக்குடி, ஏப்.17:

தூத்துக்குடி கிழக்கு மண்டல அலுவலகத்தில் மக்கள் குறைதீர் கூட்டம் வியாழக்கிழமை நடைபெற்றது. மாநகராட்சி ஆணையர் லி.மதுபாலன், துணை மேயர் ஜெனிட்டா, ஆகியோர் முன்னிலை வகித்தனர். இக்கூட்டத்துக்கு தலைமை வகித்து, மேயர் ஜெகன் பெரியசாமி பேசியதாவது:

மாநகராட்சி மக்கள் குறைதீர் கூட்டம் கடந்த 9 மாதங்களாக 4 மண்டலங்களிலும் நடைபெற்று வருகிறது. இதற்கு மக்கள் மத்தியில் நல்ல வரவேற்பு இருக்கிறது.