வீடுபுகுந்து மூதாட்டியிடம் 19 பவுன் நகை பறிப்பு வழக்கு: 2 பேர் கைது

தூத்துக்குடியில் வீடுபுகுந்து மூதாட்டியை மிரட்டி, 19 பவுன் நகைகளைப் பறித்துச் சென்ற வழக்கில் 2 பேரை தனிப்படை போலீஸார் வெள்ளிக்கிழமை கைது செய்தனர்.

- 

தூத்துக்குடி, ஏப். 11:

தூத்துக்குடி பிரையண்ட் நகரைச் சேர்ந்தவர் தங்கராஜ் (88). ஓய்வுபெற்ற நூற்பாலைத் தொழிலாளி. இவரது மனைவி முனியம்மாள் (80). இவர்களது பிள்ளைகளுக்குத் திருமணமாகிவிட்டதால், இத்தம்பதி தனியாக வசித்து வருகின்றனர். இந்த நிலையில், கடந்த 1-ஆம் தேதி காலை தங்கராஜ் நடைப்பயிற்சிக்குச் சென்றிருந்தார். அப்போது, மர்ம நபர்கள் வீடுபுகுந்து முனியம்மாளை மிரட்டி, அவர் அணிந்திருந்த 19 பவுன் நகைகளைப் பறித்துச் சென்றனராம்.