புதுவை பேரவையிலிருந்து திமுக, காங். உறுப்பினர்கள் வெளியேற்றம்

லஞ்ச வழக்கில் பொதுப் பணித் துறை தலைமைப் பொறியாளர் கைதான விவகாரம் தொடர்பாக விவாதிக்கக் கோரி, புதுவை சட்டப்பேரவைக் கூட்டத்தில் பேரவைத் தலைவர் இருக்கை முன் அமர்ந்து திங்கள்கிழமை தர்னாவில் ஈடுபட்ட திமுக, காங்கிரஸ் உறுப்பினர்கள் வெளியேற்றப்பட்டனர்.

- 

புதுச்சேரி, மார்ச் 24:

புதுவை சட்டப்பேரவைக் கூட்டம் திங்கள்கிழமை காலை தொடங்கியதும், உறுப்பினர் அங்காளன் கேள்விக்கு ஆதிதிராவிடர் நலத் துறை அமைச்சர் பதிலளிப்பார் என பேரவைத் தலைவர் ஆர்.செல்வம் கூறினார். அப்போது, லஞ்ச வழக்கில் சிபிஐ அதிகாரிகளால் புதுவை பொதுப் பணித் துறை தலைமைப் பொறியாளர் எம்.தீனதயாளன் கைது செய்யப்பட்ட விவகாரம் தொடர்பாக விவாதிக்க வேண்டும் என்று எதிர்க்கட்சித் தலைவர் ஆர்.சிவா வலியுறுத்தினார்.