பஞ்சாப்-ஹரியாணா எல்லைச் சாலைகளில் கான்கிரீட் தடுப்புகள், வேலிகள் அகற்றம்

விவசாயிகள் புதிய போராட்டம் அறிவிப்பு

- 

சண்டீகர், மார்ச் 20: பஞ்சாப்-ஹரியாணா எல்லையில் இரு இடங்களில் ஓராண்டுக்கும் மேலாக போராட்டம் நடத்திவந்த விவசாயிகள் வலுக்கட்டாயமாக அப்புறப்படுத்தப்பட்டதைத் தொடர்ந்து, அப்பகுதி சாலைகளில் கான்கிரீட் தடுப்புகள், கம்பி வேலிகள் உள்ளிட்டவற்றை அகற்றும் பணி வியாழக்கிழமை மேற்கொள்ளப்பட்டது.

தில்லி நோக்கி செல்லும் இச்சாலைகளில் விரைவில் வாகனப் போக்குவரத்து தொடங்கப்படும் என்று ஹரியாணா காவல் துறையினர் தெரிவித்தனர்.

விவசாய விளைபொருள்களுக்கான குறைந்தபட்ச ஆதரவு விலைக்கு (எம்எஸ்பி) சட்டபூர்வ உத்தரவாதம் உள்ளிட்ட பல்வேறு கோரிக்கைகளை வலியுறுத்தி பஞ்சாப் விவசாயிகள் பஞ்சாப்-ஹரியாணா எல்லையில் உள்ள கனௌரி-ஷம்பு ஆகிய பகுதிகளில் கடந்த ஆண்டு பிப்ரவரி மாதம் முதல் முகாமிட்டு தொடர் போராட்டத்தில் ஈடுபட்டு வந்தனர்.