38 ரயில்கள் கூடுதலாக 20 இடங்களில் நின்று செல்லும்

தமிழகத்தில் திங்கள்கிழமை (ஆக. 18) முதல் 38 ரயில்கள் (இருமார்க்கமாக) கூடுதலாக 20 ரயில் நிலையங்களில் நின்று செல்லும் என்று மத்திய தகவல்-ஒலிபரப்பு மற்றும் நாடாளுமன்ற விவகாரத் துறை இணை அமைச்சர் எல்.முருகன் தெரிவித்தார்.

- 

சென்னை, ஆக. 17: தமிழகத்தில் திங்கள்கிழமை (ஆக. 18) முதல் 38 ரயில்கள் (இருமார்க்கமாக) கூடுதலாக 20 ரயில் நிலையங்களில் நின்று செல்லும் என்று மத்திய தகவல்-ஒலிபரப்பு மற்றும் நாடாளுமன்ற விவகாரத் துறை இணை அமைச்சர் எல்.முருகன் தெரிவித்தார்.

இதுகுறித்து சென்னையில் அவர் செய்தியாளர்களிடம் கூறியதாவது: விரைவு ரயில்கள், பயணிகள் ரயில்கள் கூடுதல் நிலையங்களில் நின்று செல்ல வேண்டும் என்ற கோரிக்கை மனுக்கள் மக்களிடமிருந்து வந்ததைத் தொடர்ந்து, இதுகுறித்து மத்திய ரயில்வே அமைச்சர் அஸ்வினி வைஷ்ணவ் கவனத்துக்கு கொண்டு செல்லப்பட்டது.

இதைத் தொடர்ந்து தமிழகத்தில் உள்ள 13 மாவட்டங்களில் 38 ரயில்கள் கூடுதலாக இருபதுக்கும் மேற்பட்ட ரயில் நிலையங்களில் ஆக. 18 முதல் நின்று செல்ல ரயில்வே அமைச்சர் உத்தரவிட்டுள்ளார்.