திருவெண்காடு சுவேதாரண்யேஸ்வரர் கோயிலில் கும்பாபிஷேகம்

திரளான பக்தர்கள் பங்கேற்பு

- 

பூம்புகார், ஜூலை 7: திருவெண்காட்டில் உள்ள பிரம்ம வித்யாம்பிகை உடனுறை சுவேதாரண்யேஸ்வரர் கோயில் கும்பாபிஷேகம் திங்கள்கிழமை நடைபெற்றது.

இக்கோயில் நவகிரகங்களில் புதனுக்குரிய பரிகாரத் தலமாகக் கருதப்படுகிறது. இங்கு தனி சந்நிதியில் சிவபெருமானின் 5 முகங்களில் ஒன்றான அகோர மூர்த்தி அருள்பாலிப்பது கூடுதல் சிறப்பாகும்.

இக்கோயிலில் திருப்பணிகள் நிறைவடைந்த நிலையில், கடந்த 3-ஆம் தேதி யாகசாலை பூஜைகள் தொடங்கின. யாகசாலை பூஜைகள் நிறைவில் திங்கள்கிழமை அதிகாலை 5.30 மணியளவில் துர்கை, விநாயகர், சுவேதலிங்கம், கொடிமரம் ஆகியவற்றில் புனித நீர் வார்த்து கும்பாபிஷேகம் நடைபெற்றது.