அனைத்து விவசாயிகளுக்கும் குறுவைத் தொகுப்பு வழங்க வலியுறுத்தல்

அனைத்து விவசாயிகளுக்கும் குறுவைத் தொகுப்பு வழங்க, மயிலாடுதுறை மாவட்ட ஆட்சியரகக் கூட்டரங்கில் வியாழக்கிழமை நடைபெற்ற குறைதீர்க்கும் நாள் கூட்டத்தில் விவசாயிகள் வலியுறுத்தினர்.

- 

மயிலாடுதுறை, ஜூன் 26:

கூட்டத்துக்கு, மாவட்ட ஆட்சியர் ஹெச்.எஸ். ஸ்ரீகாந்த் தலைமை வகித்தார். மயிலாடுதுறை எம்எல்ஏ எஸ்.ராஜகுமார் முன்னிலை வகித்தார். கூட்டத்தில் விவசாயிகள் பேசியது:

ஆர். அன்பழகன்: இயந்திர நடவு செய்த விவசாயிகளுக்கு மட்டும் ஒரு ஏக்கருக்கு அறிவிக்கப்பட்டுள்ள குறுவைத் தொகுப்புத் திட்டத்தை குறைந்தது 5 ஏக்கருக்கு அனைத்து விவசாயிகளுக்கும் வழங்கவேண்டும். ஒழுங்குமுறை விற்பனைக் கூடங்களில் நிறத்தை காரணம்காட்டி பச்சை பயிறு கொள்முதல் நிறுத்தி வைக்கப்பட்டுள்ளதால் விவசாயிகள் பெரும் ஏமாற்றம் அடைந்துள்ளனர்.