போலீஸாருக்கு வார விடுமுறை அளிப்பு உயர்நீதிமன்றத்தில் டிஜிபி அறிக்கை

தமிழகத்தில் அரசாணையின்படி போலீஸாருக்கு வார விடுமுறை அளிக்கப்படுவதாக மாநில காவல் துறை தலைமை இயக்குநர் (டிஜிபி) தரப்பில், சென்னை உயர்நீதிமன்ற மதுரை அமர்வில் புதன்கிழமை தாக்கல் செய்யப்பட்ட அறிக்கையில் தெரிவிக்கப்பட்டது.

- 

மதுரை, ஏப். 23:

மதுரை ஆஸ்டின்பட்டி பகுதியைச் சேர்ந்த காவலர் செந்தில் குமார் சென்னை உயர்நீதிமன்ற மதுரை அமர்வில் தாக்கல் செய்த மனு:

தமிழகத்தில் காவலர்களுக்கு அதிக பணிச்சுமை இருப்பதுடன், ஓய்வின்றியும் தொடர்ந்து பணிபுரிகின்றனர். இதனால், அவர்கள் மனதளவில் பல்வேறு பிரச்னைகளை சந்தித்து வருகின்றனர்.

இந்த நிலையில், காவலர்கள், உதவி ஆய்வாளர் நிலையில் உள்ளவர்களுக்கு வார விடுமுறை அளித்து கடந்த 2021-இல் அரசாணை வெளியிடப்பட்டது.