மறு தீர்ப்புக்குரிய ஒரு தீர்ப்பு

ஆளுநருக்கு உச்சநீதிமன்றம் காலக்கெடு நிர்ணயித்தது மட்டுமல்ல, குடியரசுத் தலைவருக்கும் காலக்கெடு நிர்ணயித்துள்ளது வியப்பு; உச்சநீதிமன்றமே அந்த மசோதாக்களை சட்டமாக்கியும் விட்டதுதான் அதனினும் வியப்பு.

- கட்டுரையாளர்: எழுத்தாளர்.

தமிழக ஆளுநரின் அதிகாரம் குறித்து ஏப்ரல் 8-ஆம் தேதி உச்சநீதிமன்றம் வழங்கிய தீர்ப்பு வரலாற்றுச் சிறப்புக்குரியது என்று தமிழக அரசு வரவேற்றுள்ளது. மற்ற சில மாநிலங்களும் வரவேற்றுள்ளன. தமிழக ஆளுநர், சட்டப்பேரவையில் நிறைவேற்றிய 10 மசோதாக்களுக்கு ஒப்புதல் தராமல் கிடப்பில் போட்டு வைத்திருந்ததையும், சில மசோதாக்களை குடியரசுத் தலைவருக்கு அனுப்பி வைத்ததையும் சட்டவிரோதம் என்றும், அரசியல் சாசனத்தின்படி பிழையானது என்றும் உச்சநீதிமன்றம் தீர்ப்பளித்துள்ளது. அது மட்டுமல்ல, ஆளுநருடைய முடிவு அவருடைய சொந்த அதிருப்தி தொடர்புடையது என்றும், அது நேர்மையானதல்ல என்றும் கடுமையாகத் தீர்ப்பளித்துள்ளது நீதிமன்றம்.