அரசுப் பள்ளியில் புதிய வகுப்பறைகள்

மயிலாடுதுறை நகராட்சிக்குள்பட்ட டபீர் தெருவில் உள்ள அரசு பெண்கள் மேல்நிலைப் பள்ளியில் பள்ளிக் கல்வித் துறை சார்பில் ரூ. 3.53 கோடியில் 15 வகுப்பறைகள் கட்டுவதற்கான பணிகளை அமைச்சர் சிவ.வீ. மெய்யநாதன் திங்கள்கிழமை அடிக்கல் நாட்டி தொடக்கிவைத்தார்.

- 

மயிலாடுதுறை, பிப். 18:

தமிழ்நாட்டில் பெண்களுக்கான முதல் அரசுப் பள்ளியான இப்பள்ளி 1917-ஆம் ஆண்டு கட்டப்பட்டது. 108 ஆண்டுகளைக் கடந்த இப்பள்ளியில் மாணவிகளின் எண்ணிக்கைக்கு ஏற்பட்ட கூடுதல் வகுப்பறை கட்டடம் கட்டித்தர பள்ளி நிர்வாகத்தின் சார்பில் கோரிக்கை வைக்கப்பட்டது. இதை ஏற்று, நபார்டு திட்டத்தின்கீழ் வகுப்பறை கட்டடம் கட்டும் பணிக்கு ரூ. 3.53 கோடி நிதி ஒதுக்கீடு செய்யப்பட்டு, அடிக்கல் நாட்டு விழா நடைபெற்றது.