மாணவர்களின் கற்றல் திறனை மேம்படுத்த வேண்டும்

மாணவர்களின் கற்றல் திறனை ஆசிரியர்கள் மேம்படுத்த வேண்டும் என்றார் பள்ளிக் கல்வித்துறை அமைச்சர் அன்பில் மகேஸ் பொய்யாமொழி.

- 

பெரம்பலூர், அரியலூர், செப். 9:

பெரம்பலூர் தனியார் பல்கலைக்கழக கூட்ட அரங்கில், மாநில அளவிலான அடைவுத்தேர்வு 2025 குறித்து, அரசு மற்றும் அரசு உதவிபெறும் பள்ளிகளின் தலைமை ஆசிரியர்களுடனான ஆய்வுக் கூட்டம் செவ்வாய்க்கிழமை நடைபெற்றது.

இக் கூட்டத்துக்கு தலைமை வகித்த பள்ளிக் கல்வித்துறை அமைச்சர் மேலும் பேசியதாவது: மாநில அளவிலான அடைவுத் தேர்வை இம் மாவட்டத்தில் உள்ள 417 அரசு மற்றும் அரசு உதவிபெறும் தொடக்க, நடுநிலை மற்றும் உயர்நிலைப் பள்ளிகளில் பயிலும் 10,551 மாணவர்கள் எழுதினர்.

இதில், 358 பள்ளிகள் அரசுப் பள்ளிகளாகும். இத் தேர்வில் 83.81 சதவீத மாணவர்கள் தேர்ச்சிப் பெற்று மாநில அளவில் பெரம்பலூர் 20-ஆவது இடத்தைப் பெற்றுள்ளது.

மாணவர்களின் கற்றல் திறனை அதிகரிக்கவும், அவர்களுக்கான பள்ளிக் கல்வியை சிறப்பாக வழங்கிடவும் இதுபோன்ற திட்டங்களில் தலைமை ஆசிரியர்கள் கூடுதல் கவனம் செலுத்த வேண்டும்.