பாகிஸ்தானுடன் போர் தொடுப்பது நல்லதல்ல

பயங்கரவாதத்துக்கு துணை போவதாக கூறி பாகிஸ்தானுடன் போர் தொடுப்பது நல்லதல்ல என்றார் விடுதலைச் சிறுத்தைகள் கட்சித் தலைவர் தொல். திருமாவளவன்.

- 

திருச்சி, ஏப். 25:

திருச்சியில் வெள்ளிக்கிழமை அவர் செய்தியாளர்களிடம் கூறியதாவது: காஷ்மீரில் நடைபெற்ற பயங்கரவாத தாக்குதலுக்கு பொறுப்பேற்று உள்துறை அமைச்சர் அமித்ஷா பதவி விலக வேண்டும் என கூறுவது அரசியலுக்காக அல்ல, எங்கள் ஆதங்கத்தின் வெளிப்பாடு. பாஜக மீது எந்த காழ்ப்புணர்ச்சியும் கிடையாது.

பயங்கரவாத தாக்குதல்கள் மதத்தின் அடிப்படையில் நடத்தியதாக தெரியவில்லை. மத்திய அரசுக்கு எதிராக ஒரு தாக்குதல் நடத்தி கவனத்தை ஈர்த்துள்ளனர்.