146 நூலகங்களுக்கான புதிய கட்டடங்கள் திறப்பு

26 புதிய நூல்களையும் வெளியிட்டார் முதல்வர் மு.க. ஸ்டாலின்

- 

தமிழகத்தில் 146 நூலகங்களுக்கான புதிய கட்டடங்களை முதல்வர் மு.க. ஸ்டாலின் திறந்து வைத்தார். மேலும், தமிழ்நாடு பாடநூல் மற்றும் கல்வியியல் பணிகள் கழகத்தின் சார்பில் 26 புதிய நூல்களையும் அவர் வெளியிட்டார். இதற்கான நிகழ்ச்சி தலைமைச் செயலகத்தில் வெள்ளிக்கிழமை நடைபெற்றது.

இதுகுறித்து தமிழக அரசின் சார்பில் வெளியிடப்பட்ட செய்தி: தமிழ் நாடு பாடநூல் மற்றும் கல்வியியல் பணிகள் கழகத்தின் சார்பில் அரிய நூல்கள் வெளியிடப்பட்டு வருகின்றன. அந்த வகையில், தமிழ்நாட்டில் காந்தி, தமிழர் தலைவர், பாரதியார் நினைவுகள் உள்பட 26 நூல்கள் அச்சிடப்பட்டன. இந்த நூல்கள் அனைத்தையும் முதல்வர் மு.க.ஸ்டாலின் வெளியிட்டார்.