திருப்பரங்குன்றத்தில் பால் குடம் எடுத்து வந்து திரளான பக்தர்கள் வழிபாடு

வைகாசி விசாகத்தை முன்னிட்டு, திருப்பரங்குன்றம் சுப்பிரமணிய சுவாமி கோயிலில் ஆயிரக்கணக்கான பக்தர்கள் திங்கள்கிழமை பால்குடம் எடுத்து வந்து சுவாமி தரிசனம் செய்தனர்.

- 

திருப்பரங்குன்றம், ஜூன் 9:

முருகப்பெருமானின் முதல் படை வீடான திருப்பரங்குன்றம் கோயிலில் கொண்டாடப்படும் விழாக்களில் வைகாசி விசாகத் திருவிழா புகழ் பெற்றது. இந்த ஆண்டுக்கான விசாகத் திருவிழா கடந்த மாதம் 31-ஆம் தேதி காப்புக்கட்டுதலுடன் தொடங்கியது. தினமும் இரவு 8 மணிக்கு புஷ்ப அங்கி அலங்காரத்தில் உற்சவர் சந்நிதியிலிருந்து வசந்த மண்டபத்துக்கு சுப்பிரமணிய சுவாமி தெய்வானையுடன் எழுந்தருளினார்.