பிரதமர் நரேந்திர மோடி இன்று ஜம்மு-காஷ்மீர் பயணம்

உலகின் உயரமான பாலத்தை திறந்து வைக்கிறார்

- 

கத்ரா/ஜம்மு, ஜூன் 5: ஆபரேஷன் சிந்தூர் வெற்றிகர நடவடிக்கைக்கு பிறகு முதல் முறையாக, பிரதமர் நரேந்திர மோடி ஜம்மு-காஷ்மீருக்கு வெள்ளிக்கிழமை (ஜூன் 6) பயணம் மேற்கொள்கிறார். அங்கு பலத்த பாதுகாப்பு ஏற்பாடுகள் செய்யப்பட்டுள்ளன.

காஷ்மீர் பகுதிக்கு நேரடி ரயில் போக்குவரத்தை அளிக்கும் உதம்பூர்-ஸ்ரீநகர்-பாரமுல்லா ரயில் வழித்தடத் திட்டத்தின் நிறைவாக, கத்ரா-ஸ்ரீநகர் இடையே வந்தே பாரத் ரயில் சேவையை தொடங்கி வைக்கும் பிரதமர், அந்த வழித்தடத்தில் உள்ள செனாப்பாலம் (உலகின் உயரமான ரயில் பாலம்), அன்ஜி பாலம் (நாட்டின் முதலாவது கம்பி வட ரயில் பாலம்) ஆகியவற்றையும் நாட்டுக்கு அர்ப்பணிக்க உள்ளார்.