திருப்பரங்குன்றம் மலை தீப விவகாரத்தை முன்வைத்து அரசியல் செய்ய வேண்டாம்

உயர்நீதிமன்றம் கண்டிப்பு

- 

திருப்பரங்குன்றம் மலை தீப விவகாரத்தை முன்வைத்து அரசியல் செய்ய வேண்டாம் என சென்னை உயர்நீதிமன்ற மதுரை அமர்வு வியாழக்கிழமை கண்டிப்புடன் தெரிவித்தது.

மதுரையைச் சேர்ந்த கே.கே. ரமேஷ் சென்னை உயர்நீதிமன்ற மதுரை அமர்வில் தாக்கல் செய்த மனு: திருப்பரங்குன்றம் மலையில் உள்ள தூணில் தீபம் ஏற்றி வழிபாடு நடத்த ஹிந்துக்களுக்கு அனுமதி மறுத்த அதிகாரிகள், ரமலான் தினத்தன்று இஸ்லாமியர்கள் மலை மீது சென்று தொழுகை நடத்த அனுமதி அளித்தனர். எனவே, கடமையை நிறைவேற்றத் தவறிய அதிகாரிகள் மீது ஒழுங்கு நடவடிக்கை எடுப்பதோடு, கடந்த மாதம் 23-ஆம் தேதி அளித்த மனுவின் அடிப்படையில், திருப்பரங்குன்றம் மலை மீது ஹிந்துக்கள் தீபம் ஏற்ற அனுமதிக்க வேண்டும் என அவர் கோரினார்.

இந்த மனு உயர்நீதிமன்ற நீதிபதிகள் என். சதீஷ்குமார், எம். ஜோதிராமன் அமர்வு முன் வியாழக்கிழமை விசாரணைக்கு வந்தது.