தமிழகத்தில் இரட்டை என்ஜின் ஆட்சி

'தமிழகம் ஆட்சி மாற்றத்துக்குத் தயாராகிவிட்டது; இரட்டை என்ஜின் ஆட்சி உறுதியாகிவிட்டது' என பிரதமர் நரேந்திர மோடி தெரிவித்தார்.

- 

செங்கல்பட்டு மாவட்டம், மதுராந்தகத்தில் தேசிய ஜனநாயக கூட்டணி சார்பில் தேர்தல் பிரசார பொதுக்கூட்டம் வெள்ளிக்கிழமை நடைபெற்றது. இந்தக் கூட்டத்தில் கலந்துகொண்டு பிரதமர் மோடி பேசியதாவது:

திமுக அரசு மக்களுக்குத் துரோகம் செய்துவிட்டது. வாக்குறுதிகளை அள்ளித் தெளித்தார்களே தவிர, அவற்றை நிறைவேற்றவில்லை. 'ஊழல், மாஃபியா, குற்றங்கள்' ஆகியவற்றை ஊக்குவிக்கும் அரசாக திமுக அரசு உள்ளது.

மோசமான ஆட்சியிலிருந்து விடுபட விரும்பும் தமிழகம், ஆட்சி மாற்றத்துக்குத் தயாராகிவிட்டது. திமுக அரசை அகற்ற தமிழக மக்கள் தயாராகிவிட்டார்கள். தமிழகத்தில் ஜனநாயகம் இல்லை; நம்பகத்தன்மை இல்லை; ஒரே ஒரு குடும்பத்துக்காக மட்டுமே இயங்குகிற இயக்கமாக இருக்கிறது திமுக. வாரிசு அரசியல், ஊழல் அதிகரிப்பு, பெண்களையும், கலாசாரத்தையும் வசைபாடுவது போன்றவற்றை எல்லாம் இப்போது தமிழகம் சுமக்க வேண்டியிருக்கிறது.