நேபாளம்: நாடாளுமன்றத்தைக் கலைக்க வேண்டும்; அரசமைப்புச் சட்டத்தை திருத்த வேண்டும்

போராட்டக் குழு வலியுறுத்தல்

- 

காத்மாண்டு, செப்.11: நேபாளத்தில் அரசுக்கு எதிரான மாபெரும் போராட்டத்தை நடத்திய இளைஞர்கள் தலைமையிலான ஜென் இஸட் குழு, 'நாடாளுமன்றத்தைக் கலைக்க வேண்டும், மக்களின் விருப்பங்களுக்கேற்ப அரசமைப்புச் சட்டத்தை திருத்தம் செய்ய வேண்டும்' என்று வியாழக்கிழமை வலியுறுத்தியது.

காத்மாண்டில் செய்தியாளர்கள் சந்திப்பின்போது இந்த வலியுறுத்தலை அவர்கள் முன்வைத்தனர். இனிடையே, இந்தக் குழுவின் மற்றொரு பிரிவினர், தற்போதைய அரசியல் நிச்சயமற்ற சூழலுக்கு தீர்வு காணும் வகையில் ராணுவ தலைமையகத்தில் அதிபர் ராமச்சந்திர பௌடேல் மற்றும் ராணுவ தலைமைத் தளபதி அசோக் ராஜ் சிக் டெல் ஆகியோருடன் வியாழக்கிழமை ஆலோசனை மேற்கொண்டனர்.