ராஜஸ்தான்: கட்சியை விமர்சித்த பாஜக செய்தித் தொடர்பாளர் நீக்கம்

முன்னாள் ஆளுநர் சத்யபால் மாலிக் மற்றும் முன்னாள் குடியரசு துணைத் தலைவர் ஜகதீப் தன்கர் ஆகியோரை பாஜக நடத்திய விதம் குறித்து பொதுவெளியில் விமர்சித்த ராஜஸ்தான் மாநில செய்தித் தொடர்பாளர் கிருஷ்ணகுமார் ஜானு அக்கட்சியில் இருந்து நீக்கப்பட்டுள்ளார்.

- 

ஜெய்பூர், ஆக. 9:

கிருஷ்ணகுமார் ஜானு பேசி வெளியிட்ட விடியோ சமூக வலைத்தளங்களில் வேகமாகப் பரவியது. அதில், பல்வேறு மாநிலங்களில் ஆளுநராக பதவி வகித்த சத்யபால் மாலிக்கை பாஜக மூத்த தலைவர்கள் அவமதிக்கும் வகையில் நடந்து கொண்டதாக அவர் கருத்து தெரிவித்திருந்தார். சத்யபால் மாலிக் நீண்ட கால உடல்நலக்குறைவு காரணமாக தனது 79 ஆவது வயதில் இந்த வாரம் காலமானார்.