சுருங்கி வரும் மன்னார் வளைகுடா தீவு!

மன்னார் வளைகுடாவில் கடலால் சூழப்பட்டுள்ள கரியாச்சல்லி தீவை காப்பாற்ற ரூ. 50 கோடியில் புனரமைப்பு நடவடிக்கைகளை தமிழக அரசு முன்னெடுத்ததுள்ளது.

- 

புது தில்லி/ சென்னை, மே 18:

மன்னார் வளைகுடா கடல்சார் தேசிய பூங்காவில் உள்ள 21 தீவுகளில் ஒன்று கரியாச்சல்லி தீவு. போதிய பராமரிப்பின்றி அழியும் நிலையில் உள்ள இத்தீவை காப்பாற்ற உலக வங்கியின் ஆதரவுடன் தமிழக அரசு ரூ.50 கோடி மதிப்பிலான மறுசீரமைப்புத் திட்டத்தைத் தொடங்கியுள்ளது. 'தமிழ்நாடு ஷோர்' (நிலையான பெருங்கடல் வளங்களைப் பயன்படுத்துதல்) என்ற முன்முயற்சியின் அங்கமாக இத்திட்டம் முன்னெடுக்கப்பட்டுள்ளது.

கடுமையான கடலோர அரிப்பைத் தடுக்க நடவடிக்கை எடுத்தல், கடல்வாழ் பல்லுயிர்ப் பெருக்கத்தைப் பாதுகாத்தல் மற்றும் தீவின் உயிர்வாழ்வு மற்றும் நிலைத்தன்மையை உறுதிப்படுத்துவதை இத்திட்டம் நோக்கமாகக் கொண்டுள்ளது. இது சுற்றுச்சூழல் மற்றும் சமூக நலன்களையும், குறிப்பாக இந்தச் சுற்றுச்சூழலை நம்பியுள்ள சிறு அளவிலான மீனவர்களிடையேயும் மிகவும் முக்கியமானதாகப் பார்க்கப்படுகிறது.