அரசு அதிகாரிகளை துன்புறுத்துகிறது அமலாக்கத் துறை

சோதனை என்ற பெயரில் அரசு அதிகாரிகளை அமலாக்கத் துறை துன்புறுத்தி வருவதாக வீட்டு வசதி, மதுவிலக்கு மற்றும் ஆயத்தீர்வைத் துறை அமைச்சர் சு.முத்துசாமி குற்றஞ்சாட்டியுள்ளார்.

- 

சென்னை, மே 17:

டாஸ்மாக் முறைகேடு புகார் தொடர்பாக, அந்நிறுவனத்தின் மேலாண்மை இயக்குநர் விசாகனின் வீடு, அலுவலகத்தில் கடந்த இரு நாளாக சோதனை நடத்தி அவரிடம் அமலாக்கத் துறை விசாரணை நடத்தி வருகிறது.

இந்நிலையில், அமைச்சர் சு.முத்துசாமி சனிக்கிழமை வெளியிட்ட அறிக்கை: கடந்த அதிமுக ஆட்சிக்காலத்தில் லஞ்ச ஒழிப்புத் துறையால் பதிவு செய்யப்பட்ட வழக்குகளை அடிப்படையாகக் கொண்டே கடந்த மாதம் டாஸ்மாக் நிறுவனத்தின் தலைமை அலுவலகத்தில் அமலாக்கத் துறை சோதனைகளை மேற்கொண்டது.