நியாய விலைக் கடைகளில் அச்சிடப்பட்ட ரசீதுகள் வழங்க தமிழக அரசு உத்தரவு

நியாயவிலைக் கடைகளில் அனைத்து குடும்ப அட்டைகளுக்கும் அச்சிடப்பட்ட ரசீதுகளை வழங்க வேண்டும் என தமிழக அரசு உத்தரவிட்டது.

- 

சென்னை, ஏப். 18:

இதுகுறித்த சுற்றறிக்கையை அனைத்து மாவட்ட, வட்ட வழங்கல் அலுவலர்கள், உணவுப் பொருள் வழங்கல் துணை ஆணையர்களுக்கு அந்தத் துறையின் இயக்குநர் டி.மோகன் அனுப்பியுள்ளார். அதில் கூறப்பட்டுள்ளதாவது:

நியாயவிலைக் கடைகளில் பொருள்களை வழங்கும்போது, மக்களுக்கு அச்சிடப்பட்ட ரசீது வழங்க வசதியாக காகிதங்கள் வழங்கப்பட்டிருந்தன. ரசீதுகளுக்குத் தேவையான இந்தக் காகிதங்கள் கடந்த பிப்ரவரி வரை அனைத்து நியாயவிலைக் கடைகளுக்கும் கொடுக்கப்பட்டன.