'அமெரிக்காவுக்கு முன்னுரிமை' கொள்கை குறித்து தவறான புரிதல் வேண்டாம்

ரைசினா உரையாடலில் துளசி கப்பார்ட் பேச்சு

- 

புது தில்லி, மார்ச் 18: அமெரிக்க அதிபர் டொனால்ட் டிரம்ப் பின் அமெரிக்காவுக்கு முன்னுரிமை' கொள்கையை ‘அமெரிக்கா மட்டும்’ என்று யாரும் தவறாகப் புரிந்து கொள்ளக் கூடாது என அந்நாட்டின் உளவுத்துறை தலைவர் துளசி கப்பார்ட் செவ்வாய்க்கிழமை வலியுறுத்தினார்.

அதிபர் டிரம்ப்பின் கொள்கையானது பிரதமர் மோடியின் இந்தியாவுக்கு முன்னுரிமை அளிக்கும் உறுதிப்பாட்டைப் போன்றதே என்றும் அவர் தெரிவித்தார்.

உலகளாவிய அரசியல்-பொருளாதாரம் குறித்து விவாதிக்கும் ரைசினா உரையாடல் மாநாடு, புது தில்லியில் கடந்த 3 நாட்களாக நடைபெற்று வருகிறது.

மாநாட்டில் செவ்வாய்க்கிழமை கலந்து கொண்ட துளசி கப்பார்ட், ‘நமஸ்தே, ஜெய் ஸ்ரீ கிருஷ்ணா’ என்று கூறி தனது உரையைத் தொடங்கினார்.

அவர் ஆற்றிய உரையில், ‘நான் உரையைத் தொடங்கியபோது கூறிய வார்த்தைகள் நம் ஒவ்வொருவரின் இதயத்திலும் இருக்கும் தெய்வீக உணர்வைப் பிரதிபலிக்கின்றன. இனம் மற்றும் மதத்தைப் பொருள்படுத்தாமல் நாம் அனைவரும் இணைக்கப்பட்டுள்ளோம் என்பதை அவை நினைவூட்டுகின்றன.