பாரதியார் பல்கலை.க்கு நிலம் கொடுத்த விவசாயிகளுக்கு இழப்பீடு வழங்க அரசிடம் நிதி கேட்கப்பட்டுள்ளது

மாவட்ட நிர்வாகம் தகவல்

- 

கோவை, பிப். 28: கோவை பாரதியார் பல்கலைக்கழகத்துக்கு நிலம் கொடுத்த விவசாயிகளுக்கு இழப்பீடு வழங்குவதற்காக அரசிடம் ரூ.160 கோடி நிதி கேட்கப்பட்டுள்ளதாக விவசாயிகள் குறைகேட்புக் கூட்டத்தில் மாவட்ட நிர்வாகம் சார்பில் தெரிவிக்கப்பட்டுள்ளது.

கோவை மாவட்ட விவசாயிகள் குறைகேட்புக் கூட்டம் ஆட்சியர் பவன்குமார் க.கிரியப்பனவர் தலைமையில் நடைபெற்றது. வருவாய் அலுவலர் மோ.ஷர்மிளா, வன அலுவலர் ஜெயராஜ், வேளாண் இணை இயக்குநர் கிருஷ்ணவேணி உள்ளிட்ட பல்வேறு துறை அதிகாரிகள் பங்கேற்றனர்.

கூட்டத்தில், விவசாயிகள் ஜி.ரங்கநாதன், ரங்கராஜ், ஈஸ்வரமூர்த்தி, பாலதண்டாயுதம், சு.பழனிசாமி, கந்தசாமி, காளிசாமி, ஏ.கணேசன் உள்ளிட்ட விவசாயிகள் பேசியதாவது:

கெளசிகா நதி ஆக்கிரமிப்பை அகற்ற வேண்டும். ஒட்டர்பாளையம் குளத்தின் உபரிநீர் விளைநிலங்களில் தேங்குவதால் விவசாயிகள் பாதிக்கப்படுகின்றனர். நீர் வழிப்பாதை ஆக்கிரமிப்பை அகற்ற வேண்டும்.