மேலும் 771 உக்ரைன் வீரர்கள் ரஷியாவிடம் சரண்

மரியுபோல் இரும்பாலையில் பதுங்கியிருந்த மேலும் 771 உக்ரைன் வீரர்கள் தங்களிடம் சரணடைந்துள்ளதாக ரஷியா அறிவித்துள்ளது.

மாஸ்கோ, மே 19: 

 இதுகுறித்து ரஷிய பாதுகாப்பு வியாழக்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த 24 மணி நேரத்தில் மரியுபோலிலுள்ள அஸோவ்ஸ்டல் இரும்பாலையிலிருந்து 771 உக்ரைன் வீரர்கள் சரணடைந்தனர்.

அவர்களில் 80 வீரர்கள் காயமடைந்திருந்தனர். அவர்களில் மருத்துவ சிகிச்சை தேவைப்படுவோர் நாவோஸோவ்ஸ்க், டொனட்ஸ்க் ஆகிய நகரங்களிலுள்ள மருத்துவனைகளில் அனுமதிக்கப்பட்டனர்  என்று அந்த அறிக்கையில் குறிப்பிடப்பட்டுள்ளது.