அண்ணாமலைக்கு எடப்பாடி தடை

என் தொகுதியில் பிரசாரம் செய்யவே கூடாது

- 

தமிழ்நாடு பாரதிய ஜனதா கட்சியின் தலைவராக இருந்தவர் அண்ணாமலை. இவர் தனது பதவி காலத்தில் அதிமுகவை பின்னுக்கு தள்ளும் முயற்சியில் ஈடுபட்டார். இதனால், அண்ணாமலைக்கும் அதிமுக பொதுச்செயலாளர் எடப்பாடி பழனிசாமிக்கும் இடையே கருத்து மோதல் ஏற்பட்டது. கடந்த நாடாளுமன்ற தேர்தலின் போது இருவருக்கும் இடையேயான மோதல் வெடித்தது. அப்போது அண்ணாமலை, எடப்பாடி பழனிசாமியை கடுமையாக விமர்சனம் செய்தார்.

குறிப்பாக, எடப்பாடி பழனிசாமி ஒரு தற்குறி, கிணற்றுத் தவளை, கொலை வழக்கில் காட்டுப்பகுதிகளில் தலைமறைவாக இருந்தவர், அவர் என்னை பற்றி சொல்ல எந்த அருகதையும் கிடையாது என மிகவும் காட்டமாக பேசினார். இருவரும் மாறிமாறி விமர்சித்தனர். அந்த தேர்தலில் அதிமுக, பாஜ தனித்தனியாக நின்று படுதோல்வியை சந்தித்தது.