18 அம்ச கோரிக்கைகளை வலியுறுத்தி ஊரக வளர்ச்சித்துறை அலுவலர்கள் ஆர்ப்பாட்டம்

திருவள்ளூர் மாவட்ட தலைநகரில், 18 அம்ச கோரிக்கை வலியுறுத்தி, ஊரக வளர்ச்சித்துறை அலுவலர்கள் சங்கத்தினர் ஆர்ப்பாட்டத்தில் ஈடுபட்டனர்.

- 

தமிழ்நாடு ஊரக வளர்ச்சித்துறை அலுவலர்கள் சங்கத்தினர், 18 அம்ச கோரிக்கைகளை நிறைவேற்ற வலியுறுத்தி கடந்த 10ம் தேதி முதல் காலவரையற்ற வேலை நிறுத்த போராட்டத்தில் ஈடுபட்டு வருகின்றனர். இந்நிலையில், நேற்று காலை திருவள்ளூர் மாவட்ட கலெக்டர் அலுவலக வளாகத்தில், 18 அம்ச கோரிக்கைகளை நிறைவேற்ற வலியுறுத்தி மாவட்ட தலைநகரில் ஆர்ப்பாட்டத்தில் ஈடுபட்டனர்.

ஆர்ப்பாட்டத்திற்கு மாவட்ட தலைவர் வீரமணி தலைமை தாங்கினார். மாவட்ட செயலாளர் ஸ்ரீராம் காந்தி விளக்க உரையாற்றினார். மாவட்டதுணை தலைவர் மெல்கிராஜா சிங், இணை செயலாளர்கள் உதயசங்கர், சரவணமூர்த்தி, சங்க மாநில தலைவர் சீ.காந்திமதிநாதன், 18 அம்ச கோரிக்கை வலியுறுத்தி பேசினார்.