மேட்டுப்பாளையம் அருகே பயங்கரம் மருமகளின் கள்ளக்காதலனை கொன்று தீவைத்து எரித்த நகராட்சி கவுன்சிலர்

ஒன்றரை வருடங்களுக்கு பின் 2 மகன்களுடன் கைது

- 

மருமகளின் கள்ளக்காதலனை கழுத்தை நெரித்து கொன்று தீ வைத்து எரித்த நகராட்சி கவுன்சிலர் ஒன்றரை வருடங்களுக்கு பிறகு தனது 2 மகன்களுடன் கைது செய்யப்பட்டார்.

கோவை மேட்டுப்பாளையம் - சிறுமுகை சாலையில் உள்ள தேவைய்யா நகர் பகுதியை சேர்ந்தவர் அப்துல் ஹக்கீம் (39). ஆட்டோ ஸ்பேர் பார்ட்ஸ் கடை நடத்தி வருகிறார். இவரது கடைக்கு மேட்டுப்பாளையம் மகாதேவபுரம் பகுதியை சேர்ந்த ஆரிஸ் (32), தனது நண்பர் கௌதம் (38) என்பவருடன் வந்து "என் அண்ணி சுமையாவும் (29), நீயும் பேசி பழகியதால் தான் எனது அண்ணன் அலாவுதீன் (36) காணாமல் போய்விட்டான்" எனக் கூறி வாக்குவாதத்தில் ஈடுபட்டுள்ளார். தொடர்ந்து அப்துல் ஹக்கீமை ஆரிஸ் கத்தியால் குத்தி காயப்படுத்தியுள்ளார். இதுகுறித்த வழக்கில் மேட்டுப்பாளையம் போலீசார் வழக்குப்பதிந்து ஆரிஸ், கௌதம் ஆகிய இருவரை கைது செய்தனர்.