கண்ணகி நகரை பிராண்டாக்கிட்டோம்

பஹ்ரைனில் தங்கம் வென்ற இந்திய துணை கேப்டன் கார்த்திகா பேட்டி

- 

பஹ்ரைனில் நடந்த யூத் ஏசியன் கேம்ஸ் கபடிப் போட்டியில் இந்திய அணிக்கு துணை கேப்டனாக விளையாடி தங்கப் பதக்கம் வென்று திரும்பிய சென்னை கண்ணகி நகரைச் சேர்ந்த 12ம் வகுப்பு மாணவி கார்த்திகாவுக்கு தமிழ்நாடு சார்பில் சிறந்த வரவேற்பு கிடைத்துள்ளது. பிரமாண்ட வரவேற்புடன் வீடு திரும்பிய கார்த்திகா, தனது வெற்றி, போராட்டங்கள் மற்றும் எதிர்கால இலக்குகள் குறித்து மனம் திறந்து பேசினார்.

கபடியில் எப்போது ஆர்வம் வந்தது?

கார்த்திகா: நான் 8ம் வகுப்பு படிக்கும்போது கபடியை தொடங்கினேன். கண்ணகி நகரில் எங்க பயிற்சியாளர் ராஜ் சாரும் சீனியர்ஸ் எல்லாம் விளையாடி, கோப்பைகளையும் மெடல்களையும் வெல்றதை பார்த்துதான் எனக்கு கபடியில் ஆர்வம் வந்தது. கோச் ராஜ் சாரோட பயிற்சி, உந்துதல் மற்றும் தினசரி கடின உழைப்பு மூலம்தான் நான் இப்போ இந்தியாவுக்காக விளையாடி இருக்கேன்.

உங்கள் வெற்றிக்கு யார் காரணம் என்று சொல்வீர்கள்?

கார்த்திகா: எனக்கு எந்த ஸ்ட்ரகலுமே கிடையாது. எங்க கோச் அப்படிப் பார்த்துக்கிட்டாரு. என் வெற்றிக்குக் காரணம் என் கோச் மட்டும்தான்.

பயிற்சியாளர் ராஜ்: கார்த்திகா ஒரு கடின உழைப்பாளி. ஸ்கூலுக்கு மிகவும் குறைவாகவே போனாள். 10ம் வகுப்பு தேர்வைக்கூட தவிர்த்துட்டு தேசியப் போட்டிகளுக்குப் போனாள். இந்த வயசுல இத்தனை உழைப்பு இருந்ததால தான் இன்னிக்கு சாதிக்க முடிஞ்சுது.

கார்த்திகாவின் தாயார் சரண்யா: கல்வியைப் போலவே குழந்தைகளுக்கு உடல் பலமும் மன பலமும் தேவை. அதனால நான் விளையாட்டுக்கு முக்கியத்துவம் கொடுக்கிறேன். 10ம் வகுப்புத் தேர்வைக்கூட தவிர்த்து தேசியப் போட்டிக்குப் போனப்போ, நான் கோபப்படல. அவளோட விருப்பத்திற்கே விட்டுட்டேன்.

பஹ்ரைனில் விளையாடிய அனுபவம் எப்படி இருந்தது?