காதலியை கொன்றுவிட்டு மாணவன் தற்கொலை

தம்பதி என கூறி வாடகைக்கு வீடு எடுத்து தங்கி இருந்தது அம்பலம்

- 

பெரம்பூரில் பூட்டிய வீட்டுக்குள் காதலியை கொன்றுவிட்டு கல்லூரி மாணவன் தற்கொலை செய்த சம்பவம் பரபரப்பை ஏற்படுத்தியுள்ளது. இவர்கள், தம்பதி எனக்கூறி வாடகைக்கு வீடு எடுத்து தங்கியிருந்தது அம்பலமாகியுள்ளது. இது குறித்து போலீசார் விசாரணை நடத்தி வருகின்றனர்.

விழுப்புரம் மாவட்டம், திருவெண்ணெய் நல்லூர் பகுதியைச் சேர்ந்தவர் சந்தோஷ். இவரது மகன் ஆகாஷ் (19). விழுப்புரம் அறிஞர் அண்ணா கலை கல்லூரியில் பிஎஸ்சி 2ம் ஆண்டு படித்து வந்துள்ளார். அதே பகுதியைச் சேர்ந்த தங்கவேலு என்பவரின் மகள் அபிநயா (19) என்பவரும் அதே கல்லூரியில் பிஎஸ்சி 2ம் ஆண்டு படித்து வந்துள்ளார். ஒரே பகுதி என்பதால் ஆகாஷ் மற்றும் அபிநயா இடையே பழக்கம் ஏற்பட்டு, காதலாக மாறியது.