கர்நாடகாவில் தக் லைஃப் படம் ரிலீஸ் ஒத்திவைப்பு

கர்நாடகா உயர் நீதிமன்றத்தில் கமல்ஹாசன் தகவல்

- 

கமல்ஹாசன் நடித்துள்ள தக் லைஃப் படம் திரையிடுவதற்கு உத்தரவிட வேண்டும் என தொடரப்பட்ட வழக்கு விசாரணை 10ம் தேதிக்கு ஒத்தி வைக்கப்பட்டது. எனவே, கர்நாடகாவில் நாளை தக் லைஃப் படம் வெளியாகவில்லை என்று கமல் தரப்பில் தெரிவிக்கப்பட்டுள்ளது.

கமல்ஹாசன் நடிப்பில் மணிரத்னம் இயக்கத்தில் உருவாகியுள்ள தக் லைஃப் திரைப்படம் நாளை (ஜூன் 5ம் தேதி) வெளியாகிறது. இத்திரைப்படத்தின் இசை வெளியீட்டு விழா சென்னையில் நடந்தது. இதில் பேசிய நடிகர் கமல், தமிழ் மொழியில் இருந்து கன்னடம் பிறந்தது என குறிப்பிட்டார். அவரின் இந்த பேச்சு கன்னட அமைப்பினர் இடையே கோபத்தை உருவாக்கியது. இதைத்தொடர்ந்து கமல்ஹாசன் மன்னிப்பு கேட்க வேண்டும் என்பதற்காக கர்நாடகாவில் போராட்டம் நடந்து வருகிறது. கன்னட சினிமா வர்த்தக சபையும் கமல்ஹாசன் மன்னிப்பு கேட்காத வரை சினிமா வெளியிட அனுமதி அளிக்க மாட்டோம் என கூறி தடை விதித்துள்ளனர்.