Helpwch i lunio dyfodol Gwasanaeth Tân ac Achub Canolbarth a Gorllewin Cymru

MAE'R GWASANAETH YN AWYDDUS I GLYWED BARN AM DDISGWYLIADAU'R CYHOEDD, BLAENORIAETHAU CYMUNEDOL, A'R GWASANAETHAU Y MAE TRIGOLION YN EU GWERTHFAWROGI FWYAF

- 

Helpu i lunio sut mae'r Gwasanaeth Tân ac Achub yn cynllunio ac yn blaenoriaethu ei waith (Image: Gwasanaeth Tân ac Achub Canolbarth a Gorllewin Cymru)

(Gwasanaeth Tân ac Achub Canolbarth a Gorllewin Cymru)

Mae Gwasanaeth Tân ac Achub Canolbarth a Gorllewin Cymru (GTACGC) wedi ailwampio a lansio arolwg “Llunio Gwasanaeth Tân Canolbarth a Gorllewin Cymru Gyda’n Gilydd” newydd, gan wahodd trigolion a budd-ddeiliad i rannu eu barn am y modd mae ei Gynllun Rheoli Risg Cymunedol 2040 (CRhRC 2040) yn cael ei gyflawni.

Mae CRhRC 2040 yn nodi sut y bydd y gwasanaeth yn mynd ati yn yr hirdymor i nodi a rheoli’r risgiau, y bygythiadau a’r heriau sy’n wynebu cymunedau ledled canolbarth a gorllewin Cymru, gan sicrhau bod adnoddau’n cael eu defnyddio’n effeithiol ac yn gynaliadwy.