நடைபயிற்சியின் போது லேசான மயக்கம் மருத்துவமனையில் மு.க. ஸ்டாலின் அனுமதி

நடைபயிற்சியின் போது லேசான மயக்கம் ஏற்பட்டதை தொடர்ந்து, மருத்துவமனையில் முதல் அமைச்சர் மு.க. ஸ்டாலின் அனுமதிக்கப்பட்டு உள்ளார். அவர் நலமாக இருப்பதாக அறிவிக்கப்பட்டு உள்ளது.

- 

சென்னை, ஜூலை 22-

லேசான தலைசுற்றல் காரணமாக அப்பல்லோ ஆஸ்பத்திரியில் முதலமைச்சர் மு.க.ஸ்டாலின் அனுமதிக்கப்பட்டு உள்ளார். முதலமைச்சர் மு.க. ஸ்டாலின் நேற்று (திங்கட்கிழமை) காலை அண்ணா அறிவாலயத்துக்கு வந்தார். அங்கு அவரது முன்னிலையில் அ.தி.மு.க. முன்னாள் அமைச்சர் அன்வர்ராஜா தி.மு.க.வில் இணைந்தார்.

அன்வர்ராஜாவுக்கு முதலமைச்சர் மு.க. ஸ்டாலின் சால்வை அணிவித்து வாழ்த்து தெரிவித்தார்.

இதைத் தொடர்ந்து முதலமைச்சர் மு.க. ஸ்டாலினை மார்க்சிஸ்டு கம்யூனிஸ்டு கட்சியின் மாநில செயலாளர் சண்முகம் சந்தித்து பேசினார். சிறிது நேரம் அவர்கள் பேசிக்கொண்டு இருந்தனர்.