PAGASA: WALA PA MOSAKA ANG PRESYO SA PALITONON

Ang Philippine Amalgamated Supermarkets Association (PAGASA) nipadayag ngadto sa publiko nga ang mga supermarket wala pa makasinati og pagsaka sa presyo sa mga nag-unang produkto bisan pa sa kabalaka sa pagsaka sa presyo sa lana

- 

Si Stephen Cua, presidente sa PAGASA namahayag sa Brigada News FM Manila nga ang suplay sa mga importante nga produkto nagpabilin nga lig-on ug wala pa'y nadawat nga abiso gikan sa suppliers o manufacturers bahin sa posibleng pagsaka sa presyo.

Gipahimangnoan usab niya ang publiko nga magpraktis og responsible buying ug likayan ang panic buying nga mahimong hinungdan sa kakuwang sa suplay ug posibleng pagsaka sa presyo sa mga produkto.

Matud ni Cua nga ang mga konsumidor kinahanglan nga magplano sa ilang pagpamalit, paliton lang ang gikinahanglan ug sundon ang hustong schedule sa pamalit aron malikayan ang kagubot sa merkado ug matabangan nga magpabilin nga lig-on ang suplay.

Bisan pa sa kabalaka, giklaro ni Cua nga ang mga supermarket ug ahensiya sa gobiyerno nagpadayon sa pagmonitor sa sitwasyon aron masiguro nga igo ang suplay sa mga produkto.