BAWAL ANG "DISKARTENG TAMAD"

Karong bag-o na ang pamunoan sa Philippine National Police ubos na karon ni General Nicolas Torre III, bag-o na usab ang iyang pamaagi sa pagdumala sa organisasyon.

- 

Ang matag opisyal nga ibutang sa pinakataas nga posisyon, nagbitbit kini og daghang katuigang kasinatian o eksperiyensiya gikan sa panahong naa siya sa pinakaubos nga ranggo ug magamit nila ni sa pagpatuman og mga polisiya kun sila na unya maoy mamuno.

Kada bag-o ang pangulo, bag-o sab ang estilo sa liderato, sigurado gyud nga magbuhat kini og iyang kaugalingong pamaagi nga sa iyang tan-aw mas mahimong epektibong organisasyon ang PNP kun iyaha kining ipatuman.