Bag-ong school year; Karaang problema

Way bag-o sa mga problema nga giatubang sa Department of Education (DepEd) matag-abli sa klase---kuwang ang classroom, lingkoranan, ug maestro.

- FRED P. LANGUIDO

Ug niining pagbukas og balik sa klase sa mga pampublikong tunghaan sugod karong adlawa, way nausab sa maong mga problema ug gani posibling ni grabe pa sa ubang mga dapit sa atong nasud nunot sa gipaabot nga pagsaka sa gidaghanon sa mga bag-ong estudyante nga mosulod sa klase.

Dinhi sa lalawigan sa Sugbo, giangkon sa DepEd-7 nga dunay pagkuwang og dili mominus 3,000 ka mga lawak saringan.

Samtang sa tibuok nasud gibana-banang mokabat sa 165,000 ka mga classrooms ang pagkuwang.