એમની આંખ ક્યારે ઊઘડશે?

યુરોપ-અમેરિકામાં ખાલિસ્તાનના સમર્થકોએ ઉપામા મચાવ્યા છે, છતાં ત્યાંની સરકાર માનવઅધિકારના નામે એમના તરફ કૂણું વલણ ધરાવે છે.

- 

એવું નહોતું કે આ વાત કોઈથી અજાણી હતી, પણ હા, ખાસ તો યુરોપ-અમેરિકાના માનવહકવાદીઓ એ માનવા અને સ્વીકારવા તૈયાર નહોતા અને હજી તૈયાર થશે કે નહીં એ તો શંકાનો જ વિષય છે.

કોઈ પણ કારણસર દેશ બહાર વસી જવા માગતા લોકો માટે સરકાર તરફથી થતી હેરાનગતિનું બહાનું એ એક હાથવગું શસ્ત્ર હોય છે. પશ્ચિમ યુરોપ અને અમેરિકા જેવા દેશ એમના માનવઅધિકારતરફી વલણને કારણે આવા લોકોને ઝાઝી પૂછતાછ વગર રાજ્યાશ્રય પણ આપી દે છે. પશ્ચિમ એશિયા અને આફ્રિકાના હજારો લોકો પર દયા દાખવીને જર્મની, ફ્રાન્સ, સ્પેન, ઈટાલી, બ્રિટન અને કેનેડા જેવા દેશે ત્યાંના હજારો લોકોને । શરણ આપ્યું છે. પેટમાં પેસીને એ લોકોએ ત્યાં પગ પહોળા કરવા માંડ્યા છે એનું પરિણામ યુરોપના દેશો તો ભોગવી રહ્યા છે, પરંતુ ત્યાંના ઉદારમતવાદીઓ હજી એમનો અભિગમ બદલવા રાજી નથી.