કોણ સાથે હશે? કોણ સામે હશે?

સંસદ ભવનની નવી ઈમારતઃ સમીકરણની સોગઠાબાજી.

લોકસભાની ચૂંટણી નિર્ધારિત સમયે થશે તો એને હજી નવ-દસ મહિનાની વાર છે. રોજેરોજ બદલાતાં રાજકીય સમીકરણના જમાનામાં આ ગાળો બહુ મોટો ગણાય. ગયા સપ્તાહે ભાજપતરફી અને ભાજપવિરોધી એમ બે જૂથના આગેવાનોના મેળાવડા થયા અને એમાં અનુક્રમે ૩૮ અને ૨૬ પક્ષ એવી ગણતરી થઈ, એને અત્યારે ઝાઝું મહત્ત્વ ન આપવાનું કારણ જ આ છે. પંદર-સત્તર દિવસની અવિધમાં ત્રણ-ત્રણ પક્ષ બદલનારા નેતાઓ આપણે ત્યાં પડ્યા છે એટલે નવ-દસ મહિના કોઈ સંગઠન ટકી રહે એમ માનવાને કારણ નથી.