બહાદુર સિપાઈના પરિવારજનોનાં જતન..

સમર્પણ ગૌરવ સમારોહઃ દેશ માટે જાન આપતા શહીદોના પરિવારોને સાચવવાની ફરજ નિભાવીએ છીએ.

- 

કસમ તુમકો વતન વાલો, કભી માયૂસ મત હોના..

મનાના જશ્ન-એ-આઝાદી, ના મેરે વાસ્તે રોના.

માતૃભૂમિ માટે જાન કુરબાન કરનારા વીર સપૂતો તો આવું કહીને ગયા, પરંતુ પરિવારનો મોભી શહીદીને વરે છે ત્યારે એના ઘર પર આર્થિક મુસીબતોનો પહાડ તૂટી પડે છે. દેશમાં એવા ઘણા પરિવાર છે, જેમનો એકમાત્ર આધાર સરહદનો રક્ષક હોય છે. એ આધાર છીનવાઈ જતાં પરિવાર નિરાધાર થઈ જાય છે. આ જોઈને સુરતમાં ૧૯૯૯માં એક સંસ્થાનો જન્મ થયોઃ જય જવાન નાગરિક સમિતિ.