മണ്ണും വളവും ചേർത്തു വിറ്റ് മാസം ഒരു ലക്ഷം വരുമാനം

ഇതൊരു ചെറിയ കുടുംബ സംരംഭത്തിന്റെ കഥയാണ്. വലിയ നിക്ഷേപങ്ങളൊന്നുമില്ലാതെ മികച്ച വരുമാനം ഉണ്ടാക്കുന്ന സംരംഭകരുടെയും അവരുടെ വിജയത്തിന്റെയും കഥ.

- T S chandran

ചില ബിസിനസുകൾ വളരെ നിസ്സാരമായി ചെയ്യാൻ കഴിയും. ഉയർന്ന നിക്ഷേപം കൂടാതെ, ഒരുപക്ഷേ, ഒരു നിക്ഷേപവും ഇല്ലാതെ തന്നെ, കിടമത്സരം ഒഴിവാക്കി, കൊള്ളാവുന്ന ലാഭം കിട്ടുന്ന അത്തരം ബിസിനസുകൾ കണ്ടെത്തിയാൽ വിജയം പിന്നാലെയെത്തും.

സംരംഭകരായ മിനിയും ദിനേശനും ചേർന്നു സ്വന്തം വീടിനോടു ചേർന്നു നടത്തുന്ന ലഘുസംരംഭമാണ് “മാസ് അഗ്രികൾച്ചർ “പോട്ടി മിക്സ്' എന്നു പൊതുവേ അറിയപ്പെടുന്ന മണ്ണും വളങ്ങളും ചേർത്തു തയാറാക്കിയ മിശ്രിതം ചാക്കുകളിലാക്കി വിൽക്കുന്നതാണ് ഇവരുടെ ബിസിനസ്. മണ്ണ്, ചകിരിച്ചോറ്, ചാണകപ്പൊടി, ചാരം, കരി, വേപ്പിൻ പിണ്ണാക്ക്, എല്ലുപൊടി, കുമ്മായം തുടങ്ങിയവയെല്ലാം നിശ്ചിത അനുപാതത്തിൽ മിശ്രണം നടത്തിയാണ് ഉൽപന്നം തയാറാക്കുക. 3:1 എന്ന അനുപാതത്തിലാണ് മണ്ണും മറ്റു വളങ്ങളും ചേർക്കുന്നത്. ഇതിനു വളക്കൂറുള്ള മേൽമണ്ണാണ് അത്യുത്തമം. നല്ല ചുവന്ന അടിമണ്ണും നല്ലതാണ്. അവയും ചേർത്താണ് മണ്ണു മിക്സ് ചെയ്യുക. വീടിനു തൊട്ടടുത്തുള്ള പറമ്പിൽ നിന്നുമാണ് ഇതിനാവശ്യമായ മണ്ണു ശേഖരിക്കുന്നത്. ഇതിനു മെഷിനറികൾ ഉപയോഗിക്കുന്നില്ല. തൂമ്പാ കൊണ്ട് കോരി അരിച്ചെടുക്കുകയാണ്.

ഏക മെഷിനറി മണ്ണ് അരിപ്പ