വരുന്നു...ഹൗസിങ് പാർക്ക്

ഇന്ത്യയിലെ ആദ്യ "നാഷനൽ ഹൗസിങ് പാർക്ക് ' തിരുവല്ലത്ത് വരുന്നു. ഒറ്റ ക്വാംപസിൽ പലതരത്തിലുള്ള 40 വീടുകൾ ഉണ്ടാകും

- 

ഇന്ത്യയിലെ ആദ്യ ഹൗസിങ് പാർക്കിന്റെ നിർമാണം തിരുവനന്തപുരം തിരുവല്ലത്ത് ഉടൻ ആരംഭിക്കും. റവന്യൂ - ഭവന നിർമാണ വകുപ്പ് മന്ത്രി കെ. രാജൻ വനിത വീടിന് നൽകിയ അഭിമുഖത്തിൽ അറിയിച്ചതാണ് ഇക്കാര്യം തിരുവല്ലം വാഴമുട്ടത്ത് സർക്കാർ അനുവദിച്ച എഴ് ഏക്കറിലാണ് ഹൗസിങ് പാർക്ക് നിർമിക്കുക. പലതരത്തിലുള്ള നാൽപതോളം വീടുകൾ പാർക്കിലുണ്ടാകും. ഹൗസിങ് ഗൈഡൻസ് സെന്റർ, വെർച്വൽ സ്റ്റുഡിയോ, സ്റ്റാർട്ടപ് സംരംഭങ്ങൾക്കുള്ള ഇൻകുബേഷൻ സെന്റർ, എക്സിബിഷൻ സെന്റർ എന്നിവയും പാർക്കിന്റെ ഭാഗമായി നിർമിക്കും.