ആരോഗ്യത്തിന്റെ കലവറയായ പഴങ്ങൾ

പഴത്തിലെ നാരുഘടകങ്ങൾദഹനം സുഖകരമാക്കുകയും ദഹനപ്രശ്നങ്ങളും മലബന്ധവും ഇല്ലാതാക്കുകയും ചെ യ്യം. പഴങ്ങളിൽ ധാരാളം ജലാംശമുള്ളതിനാൽ ശാരീരിക പ്രവർത്തനങ്ങൾക്ക് അത് മതിയാവും. രോഗാവസ്ഥകളിൽ പഴം കഴിക്കാമോ? ഏതാണ്ട് എല്ലാ രോഗാവസ്ഥകളിലും പഴം കഴിക്കാം.

- ഡോ. വേണുതോന്നയ്ക്കൽ

പഴങ്ങൾ സമീകൃതാഹാരങ്ങളാണ്. ദിവസം ഒരു നേരം പഴം ആഹാരമാക്കാം. പഴത്തിലെ നാരുഘടകങ്ങൾ ദഹനം സുഖകരമാക്കുകയും ദഹനപ്രശ്നങ്ങളും മലബന്ധവും ഇല്ലാതാക്കുകയും ചെയ്യും. പഴങ്ങളിൽ ധാരാളം ജലാംശമുള്ളതിനാൽ ശാരീരികപ്രവർത്തനങ്ങൾക്ക് അത് മതിയാവും. രോഗാവസ്ഥകളിൽ പഴം കഴിക്കാമോ? ഏതാണ്ട് എല്ലാ രോഗാവസ്ഥകളിലും പഴം കഴിക്കാം.

പുളിപ്പുള്ള പഴങ്ങൾ

സിട്രിക് ഫ്രൂട്ടുകളിൽ ധാരാളം ജീവകം സി അട ങ്ങിയിരിക്കുന്നു. നാരങ്ങ, നെല്ലിക്ക, പുളിഞ്ചിക്ക തുടങ്ങിയ പുളിപ്പുള്ള പഴങ്ങൾ ആ വിഭാഗത്തിൽ പ്പെടുന്നു. ജീവകം സി വളരെ പ്രധാനപ്പെട്ട ഒരു ജീവകമാണ്. ഇത് ജലത്തിൽ ലയിക്കുന്നു. അതിനാൽ, ഇത്തരം പഴങ്ങൾ അധികം കഴിക്കു ന്നതു മൂലം അമിത ജീവകത്തിന്റെ ദോഷങ്ങൾ ഉണ്ടാവുന്നില്ല. അമിത ജീവകാംശം ശരീരത്തിൽ നിന്ന് വിസർജ്ജനം ചെയ്യപ്പെടുന്നു.

ജീവകം സിക്ക് മറ്റൊരു ജീവകത്തിനുമില്ലാത്ത പ്രത്യേകതയുണ്ട്. ചൂടാക്കുകയോ വേവിക്കുകയോ തണുപ്പിക്കുകയോ അമിതപ്രകാശമേൽക്കുകയോ ചെയ്താൽ ജീവകഗുണം ഇല്ലാതാവുന്നു. അതിനാൽ, നാരങ്ങ, പുളിഞ്ചിക്ക തുടങ്ങിയ സിട്രിക് കൂട്ടുകൾ അച്ചാറിടുകയോ ഉണക്കി സൂക്ഷിക്കുകയോ ചെയ്യുന്നതു മൂലം പോഷകഗുണം നഷ്ടമാവുന്നു.