അമ്മക്കൂട്ടത്തിന്റെ ഹൈടെക് കൂൺ

പെല്ലറ്റും ഫാൻ ആൻഡ് പാഡ് സംവിധാനവുമൊരുക്കി വനിതകളുടെ കൂൺസംരംഭം

- 

വൈക്കോലിനും ഈർച്ചപ്പൊടിക്കും പകരം പെല്ലറ്റ് നിറച്ച കൂൺ ബെഡുകൾ പ്രചാരത്തിലായതോടെ കൂൺകൃഷിക്കു കേരളത്തിൽ മികച്ച വളർച്ചയാണുണ്ടായത്. കൂൺ നിത്യാഹാരമാക്കുന്നവരുടെ എണ്ണത്തിലുമുണ്ട് വർധന. സ്വയംതൊഴിൽ സംരംഭകരുടെ ഇഷ്ടമേഖലയാണിന്നു കൂൺ കൃഷി. ഈ രംഗത്തെ മികച്ച മാതൃകയാണ് തൃശൂർ ജില്ലയിലെ തിരുവില്വാമല മലേശമംഗലത്തെ അമ്മക്കൂട്ടം. ദിവസം ശരാശരി 30 കിലോ കൂൺ ഈ ഹൈടെക് യൂണിറ്റിൽനിന്ന് ഇവർ വിപണിയിലെത്തിക്കുന്നു; ഒപ്പം ഒട്ടേറെ മൂല്യവർധിത ഉൽപന്നങ്ങളും.